പശു

എന്റെ കഴുത്തില്‍ കുരുക്കിട്ടവന്‍
ആദ്യമായി എനിക്കു നല്‍കിയ സമ്മാനം
ഭീകരമായ ഒരു ബലാത്സംഗമായിരുന്നു.
പ്രതിഷേധം ശക്തമായപ്പോള്‍
അവന്‍ എന്നെ കെട്ടിയിട്ടു ഭോഗിച്ചു.
എന്റെ കിടക്കയിലാകെ,
മുറിയിലും ചുവരിലും
ശുക്ലത്തിന്റെ മനം മറിക്കുന്ന വാട.
എന്റെ നഗ്നതയില്‍
അവന്റെ നായാട്ട്.
നാളേറെ ചെന്നപ്പോള്‍
കഴുത്തിലെ കയര്‍ പിഞ്ചിത്തുടങ്ങിയത്
അവനറിഞ്ഞില്ല.
ഒരു നാള്‍ കയര്‍ പൊട്ടി സ്വതന്ത്രയായപ്പോള്‍
മര്‍മ്മം നോക്കിത്തന്നെ കൊടുത്തു.
ഭീരുവായ ഇരയില്‍ നിന്നും
വേട്ടക്കാരന്‍ പ്രതീക്ഷിക്കാത്തത്.
നിറഞ്ഞ കാമത്തിന്റെ ഫലശൂന്യതയാല്‍
അവന്റെ കഴുത്തില്‍ ഞാന്‍ കുരുക്കിട്ടു.
എന്റെ നഗ്നത അവനു കണിയൊരുങ്ങി.
ഷണ്ഡതയെ ശപിച്ച് അവന്‍ പല്ലിറുമ്മി.
ആണഹങ്കാരത്തിന്റെ വേരറുക്കാന്‍
ഷണ്ഡത്വമല്ലാതെന്തു ശിക്ഷ?!